thorhallur.com

../menu/

..home..
.music..
graphics
.links..
.gossip.
airwaves 2003
contact.

../blaðsíða/

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

../Kannanir/

../quick_links/

Iceland Airwaves
Sound on Sound
breakbeat.is
Sonic State
K-v-R VST
School of Audio Engineering, SAE.
Audio Engineering Society, AES.
Pragmaplastic
jagúar.is
solla.is
hugi.is
mbl.is
Ó

Laugadagur, 29 Januar, 2005: Politie! - Athugarsemdir(1123)

Það er búin að vera hálf skrýtin stemmning hérna í hverfinu síðustu daga. Einhverjir wannabe gangsters búnir að vera með kjötkveðjuhátíð úti á götu, vælandi "yo bitch" og "homie man" langt fram á nóttu! En ég læt það svosem ekki á mig fá..
Hins vegar vaknaði ég í fyrrinótt við það að dyrabjallan var að öskra á mig! Klukkan var 04:30 og þegar ég svaraði dyrasímanum þá var þar einhver blindfullur einstaklingur sem bað mig um að opna fyrir sér, því hann væri lögreglan.
Ég var nú ekki alveg að gleypa þetta og bauð góða nótt, en þá hringdi hann bjöllunni aftur og sagði "politie... open.... third floor.."
Ég sagði honum að hætta þessu dingli og fara heim til sín. Svo lagði ég á hann.
Um það bil tveimur mínútum seinna heyri ég eitthvað brask frá stigaganginum, því einhver hafði hleypt honum inn.. andartaki síðar heyrði ég að hann var á minni hæð að vesenast eitthvað, kallandi "POLITIE! POLITIE!"
Þá áttaði ég mig á því að þetta væri eiturhressi nágranni minn, sem ég hef eingöngu hitt þrisvar áður, og í öll skiptin hefur hann verið skelölvaður og reynt að bjóða mér inn að drekka! (og hann talar bara hollensku og þýsku)
..ég geymi núna kjötöxi á náttborðinu mínu til vonar og vara

Svo er próf hjá mér á morgun (af hverju ætli ég sé að uppfæra síðuna mína? hmmm..) og verkefnaskil. Ég þarf að skila inn geisladisk með ýmsum verkefnum, ásamt því að prenta cover á hann.
Ég þræddi bæinn í dag til þess að finna framköllunarbúð eða einhvern stað sem gæti hugsanlega prentað þetta út fyrir mig. En allar stöðvarnar voru með alsjálfvirka stafræna framköllunarsjálfsala! Þeir eru í sjálfu sé mjög sniðugir en geta ómögulega uppfyllt ósk mína um að prenta út cd-cover í réttri stærð. Þeir teygðu myndina í köku til þess að hún myndi fylla útí pappírinn.
Ég spurði starfsmann í einni versluninni hvort hann gæti ekki hjálpað mér, því ég þyrfti bara að prenta út tvær myndir (framan og aftan á geisladiskahulstur)
Hann sagði að þetta væri einfaldlega ekki hægt! Hann væri með fullkomnustu staftænu prentvélina á markaðnum og ef þetta væri ekki hægt með henni, þá gæti enginn gert þetta..
Þá sagði ég honum að hvaða bjáni sem er gæti gert þetta heima hjá sér með €50 prentara, og þá ákvað hann að "fara almennilega í málið". Hann afsakaði sig og fór inná lagerinn.
Svo kemur hann til baka eftir 5-10 mínútur og segist hafa reddað þessu, en ég þurfi hins vegar að borga 30 evrur því að hann þurfti að prenta út svo margar prufublaðsíður til þess að fá myndina í rétta stærð! Og hann gleymdi að prenta myndina sem átti að fara aftan á!
Ég tók það ekki til mála að borga €30 fyrir eina mynd, og spurði hvort hann væri að grínast.
Hann sagði svo ekki vera..
Þá kvaddi ég hann og fór í næstu búð, sem var á aðal túristaverslunargötunni hérna. Búðin var gjörsamlega stöppuð af fólki en einhverra hluta vegna fékk ég afgreiðslu langt á undan öllum.
Ég sá að þeir voru með svona framköllunarsjálfsala og spurði hvort þeir gætu ekki gert þetta fyrir mig "manually".
Afgreiðslustúlkan sagðist ætla að athuga þetta og fór eitthvað á bakvið.. Svo 5 mínútum seinna kemur hún með fallega útprentað cover og spyr hvort þetta sé rétt stærð.
Ég sagði að þetta væri nokkuð nærri lagi (þetta var fullkomið) og spurði hvort hún gæti líka prentað myndina sem átti að fara aftan á.
Þá sagði hún mér að setja hana inní sjálfsalann og hún myndi svo redda því, en það tæki svona klukkutíma. Hún vildi ekki hleypa mér á undan hinum, þó ég væri bara með eina mynd :(
Ég setti samt myndina inní sjálfsalann og hann sagði mér að hún yrði tilbúinn á þriðjudaginn klukkan 09:30!

..ég gekk út og ákvað bara að hafa geisladiskinn eins og smáskífu, bara með fronti. Ég fékk framhliðina ókeypis, en þarf að borga €2 fyrir bakhlutann, þegar/ef ég sækji hann.

Svo eitt hérna í lokin, sérstaklega fyrir Ó.
Það gerðist þegar ég kom heim úr matvörubúðinni fyrr í dag. Ég var að reyna að troða mér inn um útidyrnar heima, með hjólið og tvo stútfulla innkaupapoka þegar einhver spikfeitur flækingsköttur hleypur inn!
Ég hleyp á eftir honum og reyni að henda honum út, en hann nær alltaf að stökkva í burtu. Og ég hætti að nenna að elta hann eftir svona 2 mínútur :)
Svo er hann búinn að vera vælandi hérna á ganginum alveg á fullu síðan hann stökk inn, og ef ég fer á ganginn til þess að reyna að ná honum eða beina honum út þá stekkur hann alltaf í burtu! Bévítans kattaróféti!

..setti bara á mig headphones, ætli forvitnin verði honum að falli í þetta skiptið?

Mánudagur, 24 Januar, 2005: Donald & Tom - Athugarsemdir(4097)

Ég veit ekki hvort fólk hefur tekið eftir þessu áður, en Donald Rumsfeld og Tómas Ingi Olrich eru sami maðurinn!
Ég setti þá saman á mynd hérna til þess að auðvelda fólki að melta þetta.
Þetta er alveg eins og með superman og clark kent:
Af hverju hefur maður ALDREI séð þá saman, eða á sama tíma?
..þetta er einn og sami maðurinn! Nema þá að annar sé einræktuð útgáfa af hinum. (Er samkynhneigð kannski bara orsök ófullkomins einræktunarferils?)

Hérna er svo smá time-lapse video sem ég tók útum gluggan hjá mér, svona til þess að sýna hversu stuttan tíma það tekur að dimma.
Ég tók mynd á 30 sekúndna fresti í ca 2 klukkustundir, njótið vel..
(ATH! Myndbandið er 5MB í .wmv formatti)

Mánudagur, 24 Januar, 2005: Snjór.. - Athugarsemdir(0)

Jólasnjórinn er kominn

Tók þessar myndir útum gluggann..

..held ég þurfi að kveikja á gashitaranum núna

Akkúrat þegar ég átti að fara aftur á fund hjá útlendingaeftirlitinu, byrjar að snjóa!

En ég, verandi ég, ákvað að hringja í þau og spyrja hvort ég væri með bókaðan tíma í dag (svo ég þyrfti ekki að fara útí kuldann að óþörfu)
Hún sagði mér að ég fengi nýjan tíma eftir 2-3 vikur, það væri svo mikið að gera hjá þeim.
þannig að ég baðst enn og aftur afsökunar á því að hafa misst af tímanum á föstudaginn og þakkaði fyrir mig..