thorhallur.com

../menu/

..home..
.music..
graphics
.links..
.gossip.
airwaves 2003
contact.

../blaðsíða/

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

../Kannanir/

../quick_links/

Iceland Airwaves
Sound on Sound
breakbeat.is
Sonic State
K-v-R VST
School of Audio Engineering, SAE.
Audio Engineering Society, AES.
Pragmaplastic
jagúar.is
solla.is
hugi.is
mbl.is
Ó

Mánudagur, 10 April, 2006: Jahú! - Athugarsemdir(3542)

jæja.. langt síðan ég hef látið bæla á mér hérna. Það var síðast þann 28. ágúst minnir mig sem eru ekki nema rúmir 7 mánuðir! (vá ég er latari en ég hélt!!)

Vissar breytingar hafa orðið á lífsvenjum mínum undanfarið, er hættur að borða kjöt- og mjólkurvörur.. Nei nei, ekkert bull.

Krónan er búin að vera á skemmtilegu flippi. Þó er evran jafn dýr og hún var þegar ég fór út veturinn 2004.
Samt sem áður var ég orðinn vanur ótrúlega ódýrri evru og lifði eins og konungur í svallblöndu af euroshopper bjór og banönum.
Það hefur heldur betur breyst, eða þannig.
Reyndar er breytingin sú að ég hef skipt um híbýli og gerðist það óvænt og á skemmtilegan hátt!

Margt gott við að vera kominn á nýjan stað.. hitadreyfingin var alltaf hálf skrýtin í gömlu íbúðinni. Hún var köld en ef hitarinn var í gangi þá var skítkalt á gólfinu og "líða-yfir-fólk" heitt uppi við loftið. Um miðja íbúðina var hálf venjulegt. Ef ég sat þá var mér alltaf hálf kalt, jafnvel þó ég kynti eins og brjálæðingur. Ég íhugaði að byggja mér eitthvað unit til þess að setja stóla ofan á, svo ég gæti nú setið í hitanum endrum eins.
Kannski er ég nörd en mér fannst svolítið spes að hitadreyfingin í íbúðinni myndaði hollenska fánann.. eins og sést á þessari glæsilegu mynd sem sýnir breytinguna frá kaldri íbúð í "hitaða" íbúð.
Einnig hafði Ruud, fyllibyttan hinum megin á ganginum haldið áfram að segjast vera lögreglan til þess að fólk hleypti honum inn. Hann hringdi bjöllunni hjá mér á föstudaginn og ég fór niður til þess að hleypa honum inn en hann brást ókvæða við og byrjaði að öskra einhvern fjandann og andardrátturinn hans hefði getað hreinsað olíumálningu úr bómullarhnoðra.

Hann lokaði mig af í horninu hjá póstkössunum og hélt áfram að öskra en ég fór að lesa einhvern ruslpóst og þá gekk hann upp tröppurnar, lemjandi í veggi og æpandi einhver slagorð um að hann væri lögreglan. Það heyrist venjulega aldrei í honum fyrir utan óminn úr sjónvarpinu hans sem er alltaf á hæsta styrkleika og berst fram á gang.
Svo voru Pólverjadeilur í götunni minni um fyrir nokkrum mánuðum og var einn maður stunginn í magann og ég búinn að fá þónokkur bréf frá lögreglunni þar sem hún vildi hjálp mína við að uppræta unglingagengi í hverfinu. Á tímabili voru alltaf 4 lögregluþjónar á horninu á götunni minni.

Ég hafði alltaf lúmskan grun um að þeir væru frá útlendingaeftirlitinu og ætluðu að henda mér út.

En nóg um það slæma, það var mjög fínt að búa þarna.
Ég þurfti að flytja útúr gömlu íbúðinni laugardaginn 8. apríl og hafði vitað það um nokkurt skeið án þess að virkilega leggja á mig að finna aðra íbúð.. "þetta reddast alltaf" er hugsunarháttur sem ég hef tileinkað mér (þó að þessi hugsunarháttur sé í raun 95% á kæruleysi.)
Daginn áður en ég þurfti að flytja út, 7. apríl, rennur það upp fyrir mér að ég var ekki búinn að finna neitt. Ég var búinn að skoða tvær íbúðir nokkru áður en hafði setið uppi með sárt ennið eftir þá hrikalegu raunagöngu sem höfnun á leiguíbúð er. HAh..
En já, ég fór á heimasíðu með auglýsingum um laus herbergi í Hollandi og fann þar 4 íbúðir sem mér leist á (skilgreining á íbúð sem mér "leist á" væri: fokheld og með rennandi vatni).
Ég ákvað að gera svakalegan prófíl um sjálfan mig á þessari síðu með öllum símanúmerum mínum og myndum af sjálfum mér.
Það reyndist samt frekar erfitt að finna venjulega mynd af mér.
Flestar myndirnar sem ég á af mér eru teknar á einverju skralli og ég er ekki svo viss um að þær hefðu hjálpað mikið til. "BATMAN!"
Það tókst þó á endanum að finna heppilega mynd sem ekki þurfti að eiga neitt við í myndvinnsluforriti. Hún var frá desember 2004.
Svo veit ég ekki hvort það hafi verið heppni eða hreinlega afleiðing glæsilega prófílsins míns að einn leigusalinn hringir í mig ca. 2 klukkustundum eftir að ég setti inn auglýsinguna. Hann sagði mér að íbúðin væri reyndar farin en hann hafði aðra sambærilega í boði. Við mæltum okkur svo mót klukkan 14:00 daginn eftir.
Hann sagði mér að íbúðin væri á Prins Hendrikkade 5, sem er með lengri götum í Amsterdam. Hún byrjar tiltölulega nálægt gömlu íbúðinni minni og nær alla leiðina að central station og tekur svo stuttan krók inn í centrumið.
Ég var heldur hress þegar ég komst að því að hús númer 5 væri beint inní centrum-inu en ekki á hinum enda götunnar.

Já ég skoða íbúðina, sem er við hliðina á kaffihúsinu "Rasta Baby"

og leist mjög vel á (íbúðina það er, ekki þá staðreynd að ég væri við hliðina á Rasta Baby.... í alvöru mamma.).
Íbúðin er ca. 35m2 stúdíóíbúð og var áður hótelherbergi. Hann er ekki lengur með leyfi til þess að reka hótel í þessu húsi þannig að hann leigir út íbúðirnar.
Leigan er líka lögleg þannig að ég má skrá mig þarna án þess að lenda í veseni

Ég talaði við leigusalann og komst að því að hún væri laus strax og að ég gæti fengið hana samdægurs ef ég gæti borgað eins mánaðar leigu + tryggingu um kvöldið. Ég játaði því án þess í raun að vita hvernig ég ætti að borga þetta. Það var laugardagur, bankar lokaðir, debetkortið mitt útrunnið og kreditkortið með mjög hnjaskaða heimild eftir eBay ævintýri vikuna áður þar sem ég keypti par af microtech gefell m295 hljóðnemum á $1600, sem er ansi góður díll!!

Jæja, svo geng ég útúr íbúðinni og fer að hugsa. "hvað í andskotanum ætla ég að gera, hvernig redda ég 2 mánaða leigu á 5 klukkutímum?". Ég fór og tók út eins mikið og ég gat af kreditkortinu og fór svo í það skemmtilega verkefni að hringja í vini mína og biðja um pening..

"I'll try to pay you back tomorrow but can guarantee your money back after the weekend"
- mega skemmtilegt

Þetta plan var frábært því að flestir vinir mínir voru ekki í bænum en einn utanbæjarmaður sem vinnur einstaka sinnum í Amsterdam gat lánað mér €100. Annar gat lánað mér €300 en sá var með gesti í heimsókn og vildi helst ekki þurfa að koma til Amsterdam til þess eins að lána mér pening, þó myndi hann gera það ef það væri eina lausnin.
Ég skildi það og sagði honum að vera bara gestgjafi það kvöld, sérstaklega þar sem að ég var nú ekki kominn með nema brot af því sem ég þurfti.

Ég hringi þá í leigusalann og spyr hversu mikilvægt það sé fyrir hann að fá peninginn fyrirfram, hvort ég geti ekki bara borgað það sem ég væri með og restina á mánudeginum. Það var ekki hægt, hann sagði að ég gæti borgað á mánudaginn en þá gæti ég ekki flutt inn fyrr en þá.

Ég segji honum að ég ætli að reyna að redda peningunum fyrir kvöldið, þar sem að ég var að missa íbúðina mína þennan dag.
Er í semi-geðshræringu í rúma klukkustund þar sem ég hugsa hvernig ég geti reddað þessum fjármunum en dettur svo lausn í hug.
Hringi heim til Íslands og spyr pabba og mömmu hvort þau gætu sent mér pening í gegnum western union (sem er reyndar dýr þjónusta en var eina lausnin í stöðunni.. vona ég haha). Pabbi fann að eina opna skrifstofa WU í Reykjavík var í banka í Smáralind. Svo heppilega vildi til að mamma var þar í verslunarleiðangri.
Ég næ sambandi við hana og hún samþykkir að gera þetta fyrir mig.
Á meðan hún bíður í biðröðinni í bankanum fer ég í næsta útibú Western Union og spyr þá hversu langan tíma það taki að senda peninginn.

"Ca. 30 mínútur og við lokum klukkan 18"
-Klukkan var ca. 17:20

Ég átta mig á því að þetta væri líklega allt að reddast og var ansi létt.
Mamma hringir og lætur mig vita að færslan hefði verið framkvæmd. Klukkan er ca 17:45 þegar ég fer að WU útibúinu og spyr þá hvort færslan væri komin.

ÞÁ lætur bjáninn í afgreiðslunni mig vita að hann sé varla með neinn pening á skrifstofunni til þess að láta mig fá og að ég verði að finna annað útibú.

Haha, ég var heldur betur hress með þessi tíðindi!

Eftir fimm mínútna örstress finn ég sem betur fer annað útibú sem gat hjálpað mér. Var samt mjög óþægilegt að taka út peninginn á þeim stað því hann var á miðri verslunargötu og fullt af betlurum og 80's gangsta rapp hópum hangandi yfir manni þar sem maður fyllti út plaggið.
Færslan var þó komin í gegn og því gat ég sótt peninginn. Ég hálf vonaði að hann myndi bara skjóta honum í umslag og láta mig fá það í svona fake-handshake hreyfingu til þess að ribbaldarnir myndu nú ekki taka eftir því.
nei nei, hann segjir í hátalarann "Viltu ekki fá þetta í hundrað evru seðlum?" og svo telur hann þá upphátt og allir heyra, og glápa. (Auðvitað var samt gott að vita að hann væri að láta mig fá rétta upphæð en mér var hætt að vera sama um þetta lið sem hékk yfir mér).

Ég tók peninginn og stakk honum í vasanum. Það er skemmtilega-óþægileg tilfinning að vera með útúrþrútinn vasa af 100 evru seðlum.

Svo hringdi ég í leigusalann og við mæltum okkur mót klukkan 20 til þess að skrifa undir þar sem við gerðum 6 mánaða samning. Hann sagði að eftir 6 mánuði gætum við lengt samninginn, þ.e. ef að mér litist enn á íbúðina og að honum litist á mig. Hann sagði orðrétt:

"Ef þú ert góður leigjandi þá er engin ástæða til þess að ætla að samningurinn verði ekki framlengdur. Reyndar þarftu ekki að vera sérstaklega "góður" leigjandi, bara venjulegur. Ekkert vændi, eiturlyf og þannig".

Haha mér fannst þetta svolítið fyndið og hann sagði mér að hann hefði séð ýmislegt í þessum bransa á 20 ára ferli. Í húsinu mínu var t.d. einu sinni starfandi vændiskona og truflaði straumur viðskiptavina hennar nágrannana.

Ég vona bara að ég fari ekki að sjá einmana karlmenn koma og banka á hurðina hjá mér og biðja mig um eitthvað sem ég mun alls ekki gera nema evran fari yfir 100kr.

Í dag er bara rólyndisfólk í húsinu sem er hið besta mál..

En já, ég skrifaði s.s. undir samninginn og fékk lykla í hendurnar klukkan 21 um kvöldið.

George, sem leigði mér gömlu íbúðina var væntanlegur til borgarinnar á hádegi daginn eftir. Ég var búinn að þrífa gömlu íbúðina en átti eftir að flytja allt draslið yfir í þá nýju.
Ég flutti töskur og litla kassa um kvöldið í strætó með Derek félaga mínum. Við ætluðum að færa allt litla dótið en fengum okkur mat og bjór eftir "fyrstu" ferðina sem ílengdist einum of og strætó var hættur að ganga þegar við ætluðum næstu ferð. Ákváðum þá að fara rokktónleika á de Diepte! hahaha

Daginn eftir kom Jaap með bílinn sinn og við náðum að flytja allt draslið í tveimur ferðum (og á meðan ég man, það er ótrúlega gaman að halda á 28" widescreen sjónvarpi upp stiga í 300 ára gömlu húsi).

Tímasetningin var ansi góð, klukkan 14:00 var síðasti hluturinn kominn í nýju íbúðina og 10 mínútum seinna hringir George í mig og segjist vera kominn.

Er með höktandi netsamband eins og er, er að fá þráðlaust net "lánað" frá einhverjum nágranna. Ég sé samt ~6 þráðlaus net frá kaffi- og veitingastöðunum hérna í grenndinni. Ætli ég mæti ekki þangað og fái WEP kóðann og næli mér þannig í ókeypis net?

ég sé til.. búinn að skrifa aaaaaalltof langa ræmu hérna, en ef ég bæti engu við næstu 7 mánuði þá ætti ekki að vera of erfitt að komast í gegnum þetta.

bæ bæ

Miðvikudagur, 23 November, 2005: Ekkert að gerast? - Athugarsemdir(1774)

Já það er orðið alltof langt síðan ég uppfærði þessa blessuðu síðu. Hún er ekki dauð, meira svona í dái..

á morgun segir sá lati

Sunnudagur, 21 Ágúst, 2005: Boom! - Athugarsemdir(342447)

hó hó.. Ég hef upplifað hryðjuverkaárás á Amsterdam!
..eða svona næstum því

"Hryðjuverkaárásin": Það er búið að vera í fréttunum hérna undanfarið að einhverjir ómagar ætli sér að ráðast á almenningssamgöngur í amsterdam einhverntíma síðustu tvær vikurnar í ágúst. Það er mismunandi hvað fólk tekur þessu alvarlega. Sumir leita sér dauðaleit að "notuðum" hjólum , aðrir ætla sér að bíta á jaxlinn og "taka áhættuna" en ég hef lúmskan grun um að þetta séu bara leigubílstjórar sem komu þessu í blöðin til þess að reyna að blæða lífi í viðskiptin hjá sér.

En nei nei, er með félugunum á einhverri krá þegar við förum að tala um þetta. Nokkrir Hollenskir skólafélagar voru handvissir um að ráðist yrði á central station, sérstaklega á þessum tíma þar sem að núna er e-h seglskipahátíð í amsterdam sem er einungis á 5 ára fresti. Allt morandi í fólki og því erfitt viðureignar fyrir lögregluna þó að hún hafi aukið viðbúnað sinn til muna. Svo fer ég að sofa, og vakna svo daginn eftir við einhvern mesta hávaða sem ég hef á ævinni heyrt. Það var sprenging!
Ég stekk útúr rúminu og veit ekkert hvað er að gerast, heyri ennþá drunurnar deyja út í bakgrunninum. Ég hugsaði með mér: "ansdkotinn, þeir sprengdu central!!"
Kveikji svo á fréttunum en ekkert er að gerast þar næstu 30 mínúturnar. Svo heyri ég í þrumu í fjarska og átta mig á því að þetta hefur bara verið elding beint fyrir ofan húsið mitt!
Góð vekjaraklukka þar á ferð, hávaðinn var svo mikill að drasl í svefnherberginu hristist þegar þetta dundi yfir..
Nú veit ég samt hvernig það er að upplifa hryðjuverkaárás þar sem að ég var svo þreyttur og vitlaus til þess að misskilja eldinguna. Þarf að hringja í "hér og nú".

Umhverfislögreglan:
Helvítis umhverfislögreglan, jaðrar við að vera öfuguggi! Ég fékk €50 evru sekt frá "ministry of justice, enviromental police" fyrir að fara út með ruslið nokkrum klukkutímum of snemma!
Það er ábyggilega skemmtilegasta vinna í heimi að vinna hjá umhverfislögreglunni því að hún opnaði ruslapokann minn og rótaði í gegnum hann til þess að finna eitthvað nafn+heimilisfang til þess að sekta.. auðvitað fundu þeir e-h bréf með mínu nafni! :(
Besta við þetta er það að réttlætinu var framfylgt. Auðvitað er miklu betra að ég fái €50 sekt heldur en Kúbuhippinn á jarðhæðinni og vinur hans með kjötöxina. Þetta er það eina sem að þeir skilja eftir fyrir utan húsið:

annars er ég líka að fá skemmtileg bréf frá öðru ríkisbákni, útlendingaeftirlitinu..
Útlendingaeftirlitið: Áður en ég flutti til Hollands fyrir tæpu ári talaði ég við hollenska konsúlinn og spurði hvað ég þyrfti að gera ef ég væri að fara í nám og vildi fá að vera lengur í Hollandi en þessa 3 mánuði sem schengen (eða hvað sem það heitir) gefur mér rétt á.
Konsúllinn sendi mér e-h svaka lista með hlutum sem ég þurfti að gera og gerði ég þá alla samviskulega, eða svona næstum því.
Ég "gleymdi" að senda þeim persónulega yfirlýsingu þar sem ég sagðist geta séð um mig sjálfur og að ég yrði ekki böggull á samfélaginu.
Svo nokkru seinna er ég heima hjá mér að drekka bjór með Jaap og e-h fleiri úr skólanum þegar ég sé að ég hef fengið bréf frá útlendingaeftirlitinu! :)
Ég snara því til Jaaps og bið hann um að lesa þetta fyrst hann sé hérna, þar sem að hollensku skilningur minn á svona opinberum bréfum er ekki alveg frábær!
Svo halda allir áfram að tala saman þangað til að ég sé Jaap sitja hreyfingarlausan í sófanum horfandi undrandi á bréfið.
Ég hlæ og spyr hvað málið sé, og hann stamar útúr sér "uhh.. 28 dagar, það stendur að þú hafir 28 daga til að yfirgefa landið? Því þá vantar e-h skjöl?"
JESS! Þetta fannst mér svolítið fyndið þar sem að ég er eini Íslendingurinn sem ég veit um sem hefur eitthvað talað við útlendingaeftirlitið og reynt að fá leyfi til þess að vera hérna, og þeir vilja henda mér út! :)

Ég plata svo Jaap til þess að skrifa mótmælabréf fyrir mig á hollensku sem ég sendi svo til þeirra, ásamt fyrrnefndri yfirlýsingu minni.

Þetta var fyrir sumar, en ég fékk nýtt bréf frá eftirlitinu um daginn. Þeir sendu mér m.a.s. tvö eintök af bréfinu svo að ég myndi nú örruggllegga fá það.
Ég las það yfir en var ekki alveg að skilja það. Það var uppfullt af tilvísunum í einhverjar reglugerðir þannig að ég fór með annað eintakið í skólann og bað Jaap um að líta á það. Hann skildi ekki heldur hvað stóð í bréfinu þannig að hann bauðst til þess að fara með það heim til sín og láta kærustu sína líta yfir það líka.
Hún las það og fletti öllum reglugerðunum upp og sagði mér að þeir væru að biðja um mjög nákvæma útlistun á fjárhag mínum: bankayfirlit, skuldasögu og allan andskotann auk þess sem ég átti að útskýra mjög ýtarlega hvers vegna ég vildi fá að búa hérna.

úff.. veit þetta fólk ekki að ég er latur! Annars er ég nokkuð viss um að kerfið haldi að ég sé að biðja um að fá að búa hérna varanlega, en ekki bara í ár í viðbót..
Þetta eru meiri bjánarnir.

Fyrir utan þetta vesen, að útlendingaeftirlitið vilji henda mér úr landi og hryðjuverkamenn vilji drepa mig, þá er allt mjög gott að frétta héðan!