thorhallur.com

../menu/

..home..
.music..
graphics
.links..
.gossip.
airwaves 2003
contact.

../blaðsíða/

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

../Kannanir/

Er þetta léleg könnun?

Nei


165 hafa kosið.

../quick_links/

Iceland Airwaves
Sound on Sound
breakbeat.is
Sonic State
K-v-R VST
School of Audio Engineering, SAE.
Audio Engineering Society, AES.
Pragmaplastic
jagúar.is
solla.is
hugi.is
mbl.is
Ó
15.6.2004: Lukkulegir tónleikar - Athugarsemdir(26428)
Two Bad Vampires & a Dead Guy Crew héldu sína aðra tónleika núna þriðjudaginn 15. júní 2004, í gamla bókasafnshúsinu í hafnarfirði. Ég skaut saman þremur gömlum lögum rétt fyrir sándcheckið, þ.e. ég bútaði þau niður og endurraðaði og stytti. Síðan var ferðinni heitið heim til hans Mc Nonna, vampíru með meiru, á æfingu. Æfingin fólst í því að henda lögunum sem að ég hafði gert fyrr um daginn inná ferðatölvuna hans, og færa trommudót út í bíl.
Um klukkan 18:30 mættum við galvaskir í gamla bókasafnið í þetta svokallaða sándcheck, og þar sáum við auglýsingaplakat fyrir viðburðinn. Þar stóð stórum stöfum: Mc Nonni and the Two Vampires.. (Er hægt að klúðra þessu meira?). Á staðnum voru einnig mjög hæfir hljóðmenn. Ég sagði hljóðmanninum að við þyrftum tvo hljóðnema, eingöngu fyrir söng og rapp.
Svo sagði ég hljóðmanninum að þetta væri mjög basic hjá okkur, hann þyrfti bara að passa að það heyrðist ekki of hátt né of lágt í rappinu (syntunum og því stjórnuðum við með okkar eigin hljóðblandara). Síðan prufaði ég að tala í hljóðnemann og heyrði þá þetta svakalega Celine Dion powerballad reverb!! Það var ábyggilega svona 5 sekúndu langt og alveg fáránlegt. Ég sagði honum að slappa aðeins af á reverbinu, eða hreinlega bara slökkva á því en þá sagði hann að reverbið gerði hljóðið miklu þéttara.. Því næst spurði hann okkur hvort að við vildum ekki setja hljóðnema á trommurnar svo að hann gæti sett reverb á snerilinn! ..þetta var bara snilld

Það var samt óþægilegt hvað ég var þreyttur þetta kvöld, ég hafði bara sofið að meðaltali 2,5klst á nóttu síðastliðnar tvær nætur, og var ég alveg að sofna. Eftir sándcheckið fórum við á Hróa Hött og fengum okkur hamborgara. Ég benti afgreiðslustúlkunni á að þar sem að Hrói Höttur seldi pítur sem að þeir steikja á pönnu, þá ættu þeir að kalla þær Pítur Pan. Þetta fannst mér svakalega sniðugt af því að í brenglaða hausnum mínum, þá var Peter Pan = Hrói Höttur! Það var víst ekki alveg, og þetta live gossip moment var hálf mikið klúður. Seinna áttaði ég mig á því að sennilega er Robin Hood (enski Hrói) Pétur Pan þegar að hann er fullorðinn, mjög svipaður fatnaður auk þess sem að nafnið Robin Hood gæti verið fengið af orðasambandinu Robbed Childhood.. en samt held ég að þetta sé bara enn eitt lame “gossip moment”..
Eftir hamborgarann (sem að var reyndar svo sveittur að franskarnar brögðuðust eins og ferskt grænmeti við hliðina á honum) fékk gunni þá snilldarhugmynd að við ættum að fá okkur bragðaref.
Ekki veit ég af hverju ég samþykkti það, sérstaklega þar sem að ég var að deyja úr seddu eftir borgarann, en engu að síður slátraði ég hálfum bragðaref (með alltof miklu nammi í) og var mikinn bilbug að finna á mér eftir það.. Fyrir tónleikana var ég alveg að sofna, óglatt útaf bragðarefnum og namminu og svo vildi hamborgarinn líka komast útúr mér! Úff!
Þetta reddaðist samt, og ég fór ekki of heilsuveill uppá svið þegar að röðin kom að okkur

Ég var líka svona nettur á því þarna á trommunum, með hljóðnemann í andlitinu eins og félagi Phil Collins, nema hvað að ég var að tromma og rappa! Svo var einhver massíf reykvél beint fyrir framan trommurnar sem að spýtti líka þessum svaðalega reyk beint yfir mig og huldi mig algjörlega.. Það átti eftir að koma sér vel síðar um kvöldið.

Þegar að ég fór svo að hlusta á mixdown-in af lögunum sem að ég hafði gert fyrr um daginn tók ég eftir því að í einu lagi klúðraði ég að eyða heilum kafla þar sem að ég var að rappa, þannig að á sjálfri upptökunni heyrðist í mér rappa, þá dílaði ég við strákinn sem að sá um reykvélina að þegar að ég myndi hóa í hann þá ætti hann að blasta reykvélina og láta reykinn hylja mig sem og gerðist og þá gat ég mæmað, eða þóst rappa þennann kafla, án þess að fólk fattaði þar sem að það sá mig ekki. Og það tókst bara prýðilega að mínu mati.

Síðan tókum við William Hung remixið sem að ég gerði fyrir Gunna Ewok, þar sem að gunni er í keppni við technomanninn Exos um að remixa she bangs flutt af William hung. Þar sem að sú remix keppni er ekki ennþá farin af stað þá mátti ekki ljóstra upp stóra leyndarmálinu, þ.e. því að það er í rauninni ÉG sem að gerði allt lagið og rappa það en ekki Gunni Ewok. Þá gerði ég samskonar díl við reykmanninn og áður, þannig að ég gat hóað í hann og hann kæfði mig í reyk. Það gerði ég, og á meðan að ég var kæfður í reyknum þá rappaði ég og Gunni mæmaði það! þannig að það leit út fyrir að Gunni hefði rappað þetta þarna á staðnum. Mjög clever trick.

Eftir William Hung remixið tókum við síðasta lag kvöldsins, sem að var svona nett silly spuna trommu og syntabassalag, og svona hálfri mínútu áður en að það kláraðist þá hóaði umsjónarmaður staðarins í okkur og sagði að við værum búnir að vera og lengi, klukkan væri orðin margt og það ætti einn annar eftir að spila.

Við höfðum verið í svaka veseni með að rembast við að fylla útí eitthvað hálftíma prógramm, en svo kom í ljós að umsjónarmaður staðarins stoppaði okkur eftir 50 mínútur af spiliríi!!! Það er næstum því klukkutími af ókláruðum lögum!

Við semsagt sprengdum tímamúrinn, og vorum allt of lengi.. svona svipað eins og að þessi færsla hérna er orðin allt of löng..

Góða nótt!

15.6.2004: Vampires in concert - Athugarsemdir(3)
Úff.. þar fór ég illa að ráði mínu. Ég hef ekki gert jack í sambandi við að klára einhver lög og þannig fyrir þessa allsvakalegu raftónlistartónleika. Það er víst sándcheck eftir tvær klukkustundir, og þá verð ég kannski búinn að gera eitthvað, ef að ég drífi mig að skrifa þetta og opna eitthvað meira constructive. Fyndið að hugsa til þess að við verðum búnir að spila á tveimur tónleikum án þess að hafa klárað eitt einasta lag!

..það eiga hvort eð er svo fáir eftir að mæta þannig að þetta verður eiginlega fyrsta æfingin okkar!

14.6.2004: Komnir í klandur - Athugarsemdir(2744)
Jæja, ætli ég sé ekki bara kominn í klandur útaf Two Bad Vampires & a Dead Guy Crew projectinu.. Síðast þegar að við spiluðum (sem að er nota bene eina skiptið sem að 2BV&aDGC hafa haldið hljómleika) var á Iceland Airwaves 2003 og þá vorum við ekki búnir að gera eitt einasta lag fyrir það gigg. Þegar að þrír dagar voru í sjálfa tónleikana þá dreif ég mig og gerði fjögur lög, þar af tvö í hádegishléinu í vinnunni sama dag og tónleikarnir voru!

Núna er svipað á könnunni, við erum að fara að spila á einhverri listahátíð í Hafnarfirði 15. Júní, og við vitum ekkert hvað við ætlum að spila, og til að bæta gráu ofan á svart þá erum við búnir að segja tónleikahaldaranum að við verðum með trommur (ég á víst að tromma, úff). Höfum einn og hálfann dag til þess að búa til lög, æfa þau og svo spila þau..

..við munum samt sigra heiminn einhvern daginn! Það er ekki tekið með sældinni að vera vampíra!