thorhallur.com

../menu/

..home..
.music..
graphics
.links..
.gossip.
airwaves 2003
contact.

../blaðsíða/

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

../Kannanir/

Er þetta léleg könnun?

Nei


165 hafa kosið.

../quick_links/

Iceland Airwaves
Sound on Sound
breakbeat.is
Sonic State
K-v-R VST
School of Audio Engineering, SAE.
Audio Engineering Society, AES.
Pragmaplastic
jagúar.is
solla.is
hugi.is
mbl.is
Ó
18.11.2004: Ennta lifandi - Athugarsemdir(1422)
Ja, er er ennta ad sprikla herna en er thvi midur i tomu tjoni i internetmalum.. Er kominn med heimasima (fyrir tha sem eru ALLTAF ad hringja i mig og lata mig borga millilandakostnadinn)
Simanumerid er s.s. +312 0428 2691

..svo fae eg vonandi adsl i naestu viku, og hendi ta inn alvoru "bloggfaerslu" med myndum og latum..

12.11.2004: I'm Leuven it - Athugarsemdir(1173)
Fór í heimsókn til Gústa vinar míns í Leuven í Belgíu um helgina og var fram á mánudag. Tók lest frá central station í Amsterdam um klukkan 19 þannig að það var vel farið að dimma úti þegar að lestarferðin átti sér stað. Lenti í svolítið asnalegri senu í lestinni. Ég var að horfa útum gluggan útí myrkrið, með störu og var að hugsa eitthvað, glottandi og svona. Ábyggilega í svona 10-15 mínútur þegar að ég allt í einu fókuseraði ekki lengur á það sem var að gerast fyrir utan gluggann, heldur á spegilmyndina á glugganum.
Þar var e-h miður falleg stúlka mjög upp með sér yfir því hvað ég væri búinn að vera að horfa á hana lengi og hún var farin að blikka mig og lyfta augabrúnunum!

ég dó.. þetta var of asnalegt. Sem betur fer stoppaði lestin uþb hálfri mínútu síðar á lestarstöðinni í norður brussell. Sem er svolítið fyndin lestarstöð að því leitinu til að "rauða hverfið" í brussell er ein gata sem er samsíða lestarteinunum og alveg upp við lestarstöðina.
Stelpan hefur ábyggilega séð mig horfa undrandi á rauðu götuna og móðgast, því hún hvarf bara (sem betur fer).

..kannski var hún að fara að taka vakt?

Jæja, svo keypti ég lestarmiða áleiðis til Leuven en gaurinn sem afgreiddi mig virtist ætla að drepa mig. Hann var gjörsamlega brjálaður yfir því að ég var að tala við hann á ensku og hreytti yfir mig frönskum blótsyrðum og henti svo miðanum og klinkinu mínu í mig! (Gústi segist aldrei hafa lent í svona). En ég komst þó til Leuven á endanum þar sem Gústi tók galvaskur á móti mér.
Við byrjuðum á því að fá okkur kebab og fórum svo og keyptum bjór af einhverjum vinalegum innflytjanda.
Það er frábært hversu auðvelt (og ódýrt) aðgengi er að bjór þarna, meira að segja ef klukkan er orðin 8 um morguninn þá er hægt að fá bjór úr sjálfsölum! :)
..að því ógleymdu að bjórinn þarna er með þeim betri sem ég hef drukkið á minni stuttu ævi (og engan kjaft um að ég sé nú að verða 25 á næsta ári, ég er ennþá 23!!).

Síðan var ferðinni heitið í "party" (meira svona get-together) sem var aðallega mannað sænskum námsmönnum. Samt skrýtið að svíarnir virðast ekkert fíla Dr. Alban neitt sérstaklega vel?
Einn af þessum svíum var frekar fyndinn, því hann var mjög smámæltur. Að hlusta á fullan smámæltan svía tala er eitt það fyndnasta sem ég hef upplifað! :)
Svo var ferðinni heitið á heitasta klúbbinn í Leuven!

Gústi vel blekaður:

Það var sko dansað uppá borðum! :)

Og þvílíkur atvinnumaður í reykingum, hehe:

..þetta var fimmtudagurinn, og stemmningin var hreint út sagt "mögnuð". Þeir spiluðu alla helstu eurotrance hittarana, rúmenska lagið og allt! Plötusnúðarnir á þessum stað voru gjörsamlega með allt sitt á hreinu!
Það var meira að segja svo góð stemmning þarna að Cat Stevens lét sjá sig:

Hann var eitthvað svekktur yfir því að hafa ekki komist til Bandaríkjanna þannig að hann fór bara að djamma í Belgíu..

Svo er ég líka búinn að komast að því að ef að þetta hljóðvinnslunám mitt fer ekkert að gera fyrir mig, þá eru næg tækifæri fyrir mann eins og mig í auglýsingabransanum í Belgíu. Samanber nafnið á þessum stað:


Svo fórum við á skrall til Brussell á laugardeginum sem var svolítið fyndið. Vorum að frá 17-09 í góðu glensi. Við tókum meira að segja sérstakan leigubíl til þess að fara með okkur á "besta kebab staðinn í brussell"
leigubílstjórinn fór ábyggilega með okkur á eina kebab staðinn í brussell því ef þetta var sá besti þá veit ég ekki hvað. Þetta var svona pylsuvagn/kebab staður og kebabinn minn samanstóð 80% af frönskum?!?













En allavega, þegar kvöldið endaði þá tókum við lestina til Leuven frá lestarstöðinni í N-Brussell (hmm.. var ég eitthvað búinn að minnast á þann stað?). Við ákváðum að labba í gegnum rauðu götuna (ég hef aldrei séð svona hverfi, og samt búinn að búa í Amsterdam í 2 vikur!) og þar stöðvuðu tveir vopnaðir belgískir lögregluþjónar okkur, og sögðu:
"Hey, you know that you're in Belgium"
Við sögðumst nú átta okkur á því og þá gengu þeir í burtu!
Ég er ekki alveg að fatta af hverju þeir voru að segja þetta.. við litum kannski svona asnalega út að þeir hafa haldið að við hefðum villst útaf lestarstöðinni og rambað óvart inní þetta hverfi.. Nema þeir hafi sjálfir bara verið að ganga þarna um til þess að skoða og ákváðu að stoppa okkur til þess að þetta liti nú ekki illa út hjá þeim!
Jæja, svo hundskuðumst við uppí lestina og fórum heim!

..annars tók ég ábyggilega 300 myndir í þessari ferð, og spurning hvort ég hendi upp e-h myndasíðu e-h daginn?

5.11.2004: Ekkert kebab núna - Athugarsemdir(11771)
Var eitthvað hálf slappur og hafði lítið sem ekkert að gera á sunnudag þannig að ég ákvað að kaupa mér take away frá tælenskum veitingastað sem er hérna rétt hjá. Ákvað svo að slá tvær flugur í einu höggi og taka dvd í leiðinni (Þó svo að ég hafi bara slegið eina flugu síðan ég kom hingað, og ég sló hana til dauða. Það var moskítófluga, og þar sem ég er meðlimur í “Two Bad Vampires & a Dead Guy Crew”, og vampírur lifa á blóði annarra þá fannst mér rétt af mér að drepa samkeppnina!)

Hérna er svo mynd af kramdri flugunni:

..annars átti ég ekki von á því að það væri svona mikið vandamál að leigja video hérna eins og raunin varð.
Ég þurfti að sýna videoleigunni afrit af leigusamningnum mínum og vegabréfið mitt og alls konar rugl. Var með leigusamninginn á mér fyrir tilviljun en þurfti að bulla í kallinum að alls konar númer á ISIC debetkortinu mínu væru í raun stöðluð, og væru fullkomnlega sambærileg númerunum á vegabréfinu. Hann skráði tékkaábyrgðarnúmerið sem “number of passport” og svo gaf ég honum gsm númerið mitt eins og það væri hollenskt númer (nennti ekki að standa í einhverju veseni og þurfa að koma aftur).. fékk að leigja spóluna á endanum og var það “confessions of a dangerous mind” og mér fannst hún bara nokkuð góð. :)

Svo eru tveir svolítið skrautlegir gaurar sem búa í húsinu mínu. Annar býr á jarðhæðinni en hinn beint á móti minni íbúð.
Sá fyrri er svona um sextugt, svolítið líkur Cheech (úr Cheech & Chong) og er hálfskeggjaður, með sítt ufið hár, mjög brúnn, alltaf í skyrtu sem búið er að rífa ermarnar af og gengur oftast um með gamlan bandarískan stríðshjálm! :) Svo er hurðin að íbúðinni hans og gluggarnir sem snúa að götunni fullar af myndum af Che Guevara og e-h kúbu stuffi. Hann er samt frekar hress, þó að ég haldi að hann skilji mig ekkert þegar ég tala við hann!

Hinn gaurinn er svona um fertugt og ég sjaldan séð hann á vappi og bara "talað við" hann einu sinni. Það gerðist um daginn. Þá var ég að koma heim úr matvöruverslun með fullan poka af drasli og sé að hann stendur bara í stigaganginum og horfir útí loftið. Hann var líka með poka frá sömu verslun og mér sýndist einhversskonar flaska standa útúr honum. Um leið og hann sér mig þá vindur hann sér uppað mér og segir:
Hann: ”Hej!” (og áfengislyktin dynur á mér frá honum)
Ég: ”Heeej!”
Hann: ”Bras baop gpeoj” (e-h hollenska sem ég skildi ekki)
Ég: ”I´m sorry I don’t understand dutch, do you speak english? “
Hann: ”Duiyjvert hrakblar traslabtorf?” (e-h meira sem ég skildi ekki)
Ég: ”sorry, I don’t understand”
Hann: ”No no.. Geeeeeeerman?” (Eiginlega ekki hægt að skrifa german eins og hann sagði, en hann var s.s. að spyrja hvort ég gæti talað þýsku)
Ég: ”No.. Ich sprache nicht deutch”
Þá horfir hann á mig ákveðið og setur svo höndina uppað munninum á sér og gerir svona “fá sér sopa” merki og veifar til mín um að koma með sér inn til sín :)
Ég sagðist vera upptekinn og gæti það ekki núna
Hann: ”Ok ok not now..”
..hafði nú aldrei séð manninn drukkinn áður en þetta var samt svolítið spes :)

Svo er ég að vinna í því að koma upp internetinu hérna hjá mér, en er búinn að lenda í þvílíkum flækjum og veseni.
Til þess að koma upp (almennilegri)internet tengingu hérna þá þarf ég:
1. Að kaupa símalínu frá KPN (mynd)
2. Kaupa ADSL áskrift frá einhverri internetveitu
3. Opna hollenskan bankareikning (til þess að geta borgað fyrir adsl áskriftina, ekki hægt að borga með cash/kredit!)
4. Útvega mér hollenska kennitölu, það er gert hjá skattinum (því ég get ekki opnað bankareikning nema hafa þessa kennitölu)
5. Láta skrá "lawful proof of residence" hjá útlendingastofnun (til þess að geta fengið kennitöluna hjá skattinum)

Og ég er svo heppinn að hafa gert þetta allt í öfugri röð þannig að ég hef þurft að fara tvisvar á alla staðina! :( Núna er ég búinn að opna bankareikning en hann verður ekki "tilbúinn" fyrr en í næstu viku. Sem þýðir að ég get ekki sótt um adsl-ið fyrr en þá. Og þeir eru 2 vikur að tengja adslið þannig að ég fæ vonandi internetið fyrir jól! :S
Er búinn að þurfa að hjóla þvert yfir borgina nokkrum sinnum útaf þessu og í eitt skiptið vissi ég ekkert hvert ég var kominn, og rakst svo á þetta skemmtilega skilti og ákvað að snúa við! :)


En ef ég hefði vitað af þessari þjónustu fyrr (sjá mynd f. neðan) þá hefði ég ekki þurft að hjóla eins mikið! Þetta er miklu fljótlegra heldur en að taka lest eða fljúga, og ég vissi ekki einu sinni að þetta væri til í alvörunni. Hélt alltaf að þetta væri bara eitthvað star trek wannabe fake stuff, en svo er víst ekki! :S


Svo er ég svolítið svekktur að hafa misst af þessum gaurum, hefði ábyggilega verið helvíti gaman.


...og eitt í viðbót :) Fyrir þá sem að voru að hafa áhyggjur af því að ég hefði misst af "Dj Tiesto upplifuninni" í Arnheim 30. Okt síðastliðinn..
Ég er greinilega í bestu borg í heimi og á heldur betur eftir að fá tækifæri til þess að bæta upp fyrir þann missi og uppskera öfund allra sem ég þekkji 4. Desember! :D


Verst er þó að ég þorði ekki að taka mynd af einu því fyndnasta sem ég hef séð hérna! (reyndar ábyggilega inná topp 30 yfir það fyndnasta sem ég hef á ævinni séð)
Það var pínulítil plötubúð sem seldi bara trance, og hét trance records eða eitthvað álíka frumlegt..
Það fyndnasta við þessa búð var gaurinn sem var að afgreiða. Hann var með burstaklippingu, aflitaða og var að snúa svona "glowsticks" í höndunum á fullu! :O Ég hélt ég myndi deyja á staðnum!

..það er svolítið fyndið að búa í Hollandi :)

Svo er ég í heimsókn hjá Gústa vini mínum í Belgíu núna, kem með myndir og eitthvað eftir helgi.. ef ég man þá eitthvað hvað gerðist! :S